اقلام لا تتوقف عن الابداع
 
الرئيسيةس .و .جالتسجيلبحـثالأعضاءالمجموعاتدخول

شاطر | 
 

 حوار حب فاشل, مش بذمتكم ده اللى بيحصل؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dmo3
صاحب ومدير المنتدى
صاحب ومدير المنتدى
avatar

عدد الرسائل : 142
العمر : 31
تاريخ التسجيل : 27/04/2007

مُساهمةموضوع: حوار حب فاشل, مش بذمتكم ده اللى بيحصل؟   الإثنين يونيو 25, 2007 2:04 pm

بتحبني؟
* أوي
-انت عارف انت كل حاجة في حياتي انا فعلا مقدرش أعيش من غيرك
*و انتي فعلا أجمل حاجة حصلتلي في حياتي و الله حياتي عمرها ما حاتكون ليها معنى من غيرك
** ايه رأيكم في الحوار الرومانتيكي ده 00فظيع مش كدة ؟؟ طيب ايه الموضوع؟؟
الموضوع ان بعد يومين تلاته اسبوع كدة شهر نبص نلاقي حاجات غريبه بتحصل 00
طرف من الطرفين دول يا اما مش بيرد على التليفون أو يرد بس يتكلم معاك بطريقة تخنق جدا و تحس ان كان اكرملك ان هو ما يردش عليكى أصلا بدل ما يرد و يتكلم بالطريقة دي 00 و تسأليه يقولك عادي مفيش حاجة 00تسأليه انا عملتلك حاجة ؟؟00يقولك لأ بقولك عادي عاااادي00
و ممكن تتصل و يقولولك نايم أو هو يكون موجود و يقولولك خرج ده طبعا بعد ما يشوف نمرتك و يخلي حد تاني يردعليك و يكون هو
مفهمه حايرد عليكى يقولك ايه 00 تبعتيله messages تقوليله يتصل
بيكى لما ييجي و اللا لما يصحى و لااااا يعبرك 00 المهم انك مش فاهمة حاجة و مش عارفة ايه اللي بيحصل ده و تفضلى تعصرى
في دماغك يمكن اكون قولتله حاجة زعلته و انا مش واخده بالي 00طب يمكن عملت حاجة هو مش بيحبها و برده مش واخده بالي 00
و بعدين تكلميه و تقوليله في ايه طيب انا عملتلك حاجة طيب انا لو عملتلك حاجة ما تزعلش انا آسفه يقولك ماشي خلاص مفيش حاجة و برده مفيش حاجة تتصلح و برده يكلمك بطريقة رخمة جدا و تحسى ان هو مش عايز يرد عليك اصلا و ان هو بيكلمك وهو عاصر على نفسه 10 كيلو لمون
ايه اللي حصل ؟00 الله اعلم 000فتبدأ تفكر ان هو من كام يوم كدة كتييييييييييييييييييييييير قالك بحبك و تفضلى تكلم نفسك أيوة ده قالي بحبك أيوة ده قالي انا مقدرش اعيش من غيرك 00لأ ده اكيد لسه بيحبني 00قبل ما تنام تفتح الرسايل اللي كان باعتهالك على الموبايل اللي كاتبلك فيها انت عمري و حياتي و قلبي و روحي و 00000 و كل ده علشان تقنع في نفسك ان هو لسه بيحبك و بيفكر فيك و عايزك و تقولى لنفسك الحب اللي بجد مش بيتنسي بالسرعة دي و هو قالي ان هو بيحبني بجد و قالي اني انا لا يمكن اكون
لأي حد غيرك 00تسؤ 0000 طيب هو ليه بيعمل معايا كدة 00ليه بيتهرب مني ؟؟00 هو ليه مش عايز يكلمني 00هو انا عملتله ايه؟؟
الغريب ان الرد الغالب في المواقف دي لما تسأليه في ايه مالك بيكون (عادي)و تسأليه ايه من اللي بيحصل ده عادي من امتى و هو ده العادي يرد عليكي و يقولك (عادي) و بعد ما انتي كنتي متعود ه ان هو بيكلمك كل يوم خمسين مرة ممكن يفضل اسبوع ما يكلمكيش وبرده لما تسأله يرد عليك يقولك (عادي)
تبدأ بقة تحس ان هو باعك خلاص00
شويه و ترجعى برده تقنعى في نفسك ان هو عمره ما هينساني لانك بتفتكرى كل كلمه قالهالك لما وعدك بان هو عمره ما حايسيبك في يوم من الأيام و مفيش حاجة ممكن تفرقنا عن بعض الا الموت و لما قالي0000000 و لما قالي000000و لما قالي0000000
و تقول هو لسه بيحبني انا متأكده من اللي انا بقوله ده
و ترجع تقول طيب هو ليه بيعمل معايا كدة انا محتاجه له أوي
و ساعتها بعد فترة كبيرة ممكن تكون اسبوعين تلاته أربعة من عذاب متواصل تحصل حاجة من التلاته ** أخيرا حايرد عليكى و يقولك ان الموضوع انتهى بالنسبالي و لما تيجي تسأليه
عن السبب يقولك كلام يدل على ان هو 00000000سوري يعني (عبيط) أصله حايقولك (أصل 00000آآآآآه 0000 كدة000تسؤ000انا مش مرتاح 000أصل انا اتغيرت0000أصل انت000 كدة بقة و خلاص !!!!!!!)
و يسكت 000(هاا عبط مش كدة)
يا اما ** حايكبر و يضربلك الطرشه و انت لو عندك مخ حاتفهمي
**أو يبعتلك مرسال يقولك الموضوع انتهى بالنسباله و هو طبعا مش حاييجي بنفسه يقولك علشان هو طيب و ما يقدرش يقولك كدة في وشك علشان ما يقدرش يجرح مشاعرك و لما تسأل المرسال عن السبب يقولك (ما اعرفش حاجة و الله) و بينهي اجابته بكلمه و الله علشان ما ترغيش و ما تسألش كتير ده انا حلفتلك يعني بترغي في ايه؟ قال هو يعني فارق معاه حلفان 00
ساعتها هتحسي ان كل حاجة راحت منك00أغلى حاجة انت كنت عايشلها اختفت روحك طلعت منك و تحس انك اديتي قلبك لواحد ما يستاهلش هتحسي ان قلبك مات و تحسي ان كل اللي حواليك كدابين و مفيش حب في الدنيا خلاص كل الناس كدابه و محدش يستاهل و تفضلي تقول انا مش هحب تاني و تبصي تلاقي دموعك غصب عنك عماله تنزل و مش بعيد تتعبي لدرجة انك تدخل المستشفى من نفسيتك اللي بقت تحت الصفر و كل دقيقة تعدي تلاقي نفسك تقول هو الخسران و بعدين ننتقل لمرحله تشغيل الأغاني الكئيبه و تديها (غدار خليتني احبك 00على شويه 00سابني و راح) و طول ما انتي بتسمع عماله تقولي هو الخسران و بعدين تنزلي تشتري شرايط فيديو افلام كئيبه و تتفرجي عليها و قلبك يتقطع و تفضلي تعيطي و تقولي هو الخسران
هو الخسران قلب لو لف الدنيا كلها مش حايلاقي قلب يحبه زي قلبي 00هو الخسران حنيه لا يمكن حد حايديهاله قدي 00هو الخسران حضن لو لف الدنيا كلها مش حايلاقي لا أدفى و لا أحن و لا أأمن منه00 هو الخسران 00000000هو الخسران 000000000هو الخسران0000
لازم تحسى ان هو ما يستاهلش منك كل اللي بتعمليه ف نفسك ده 00انتي لازم تعرفي انك بتقطعي في نفسك و هو نايم مرتاح و بيصحى يشغل أغنيه (كعبو كعبو 00حبيبي و انا الاعبه)
و بيتفسح و بيهرج و مش بعيد يكون عايش حياته مع حد تاني غيرك 00حطى لنفسك شعار أغنيه (ريح بالك 00بتاعت تامر)
ريح بالك و انسى اللي نسيك عيش ليك لياليك مش ده يا قلبي اللي بنتمناه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dmo3.iowoi.org
أحلى عيون
عضو جديد
عضو جديد


عدد الرسائل : 5
تاريخ التسجيل : 20/10/2009

مُساهمةموضوع: رد: حوار حب فاشل, مش بذمتكم ده اللى بيحصل؟   الخميس أكتوبر 22, 2009 12:59 pm

بجد هادا اللي بيصير مع البنات غالبا
مشكور اخي
تحياتي للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار حب فاشل, مش بذمتكم ده اللى بيحصل؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهلا بكم في منتديات دموع الحب :: رومانتيكا-
انتقل الى: